| Sen Ho`jandsan, Chingizlarga Darvozasin ochmagan, Temur Malik orqasidan Sirdaryoga sakragan, Muqannasan qorachig`i Olovlarga sachragan, Shiroqlarni ko`rgan cho`pon Cho`lig`imsan, Vatanim.Kim Qashqarni qildi makon, Kim Enasoy tomonda, Jaloliddin – Qurdistonda, Boburing – Hindistonda, Bu qanday yuz qarolig` deb Yotarlar zimistonda, Tarqab ketgan to`qson olti Urug`imsan, Vatanim …O`g`lim desang osmonlarga G`irot bo`lib uchgayman, Chambil yurtda Alpomishga Navkar bo`lib tushgayman, Padarkushdan pana qilib Ulug`beging quchgayman, G`ichir-g`ichir tishimdagi So`lig`imsan, Vatanim …O`tgan kuning – o`tgan kundir, O`z boshingga yetgan kun, Qodiriyni bergan zamin, Qodiriyni sotgan kun. Qo`lin bog`lab, Dilin dog`lab, Yetaklashib ketgan kun, Voh bolam! deb aytolmagan Dudug`imsan, Vatanim.Yoningda qon yig`lagan bir Shoiringga qarab qo`y, Gar Qo`qonga yo`ling tushsa, Detdomlarni so`rab qo`y. Hech bo`lmasa Usmon hokin |
Keltirmoqqa yarab qo`y, Olislarda qurib qolgan Qudug`imsan, Vatanim…Sen – shoxlari osmonlarga Tegib turgan chinorim, Ota desam, O`glim deb, Bosh egib turgan chinorim, Qo`ynimdagi iftixorim, Bo`ynimdagi tumorim, O`zing mening ulug`lardan Men dunyoni nima qildim, O`zing yorug` jahonim, O`zim xoqon, O`zim sulton,Sen taxti Sulaymonim, Yolg`izim, Yagonam deymi, Topingan koshonam deymi, O`zing mening ulug`lardan Ulug`imsan, Vatanim …Shodon kunim gul otgan sen, Chechak otgan izimga, Nolon kunim yupatgan sen, Yuzing bosib yuzimga.Singlim deymi, Onam deymi, Hamdard-u hamxonam deymi, Oftobdan ham o`zing mehri Ilig`imsan, Vatanim.Sen Mashrabsan, Xalqda tumor, Balxda dorga osilgan, Navoiysan, shoh yonidaFaqirini duo qilgan. Yassaviysan, meniki deb, Ko`ringan da’vo qilgan, Ming bir yog`i ochilmagan Qo`rig`imsan, Vatanim. |
Vatanim. M.Yusuf (doc)
| Orazi gul, husni hilol, Alloh go`zal, Alloh go`zal. Mutloq kamol, mutloq jamol, Alloh go`zal, Alloh go`zal … Arsh arkida sulton o`zi, Beaybu benuqson o`zi. Poyiga cho`k, ul Zuljalol, Alloh go`zal, Alloh go`zal… Diydori bir shirin umid, Azal vujud, abad vujud. Kimga ayon, kimga xayol, Alloh go`zal, Alloh go`zal … |
Nahri zilol, bag`ri bahor, Gul chehra yor, nur chehra yor. Oromijon, oshuftahol, Alloh go`zal, Alloh go`zal … Tuproqqa jon etmish ato Momo havo, Odam Ato, Loydan odam yasar kulol, Alloh go`zal, Alloh go`zal … Shoir tilak-ta’bim o`shal, Ruhim o`shal, Rabbim o`shal, Allohu akbar, ey Bilol, Alloh go`zal, Alloh go`zal!.. |
| Tug’ilgаndаn mеn sho’rlikning bаg’rim qоn, Bir jismimdа tаlаshаdi ikki jоn, Jоn tаlаshsаm, tеpаdа chаrх urgаn ul, Kаpаlаklаr оdаmlаrdаn mеhribоn. Оqqushlаrim оq yomg’irdа uchаrlаr, Sаhаrlаrdаn shudring-shаrоp ichаrlаr. Tаnlаmаyin qаbrlаrni quchаrlаr, Kаpаlаklаr оdаmlаrgа mеhribоn. Gulgа qo’nsа qаnоtlаri bоtmаydi, Оjizlаrim birоvgа tоsh оtmаydi. Bir kun yashаr bir-birlаrini sоtmаydi, Kаpаlаklаr оdаmlаrdаn mеhribоn. Bir qаrаsаng, nа kulbаsi, uyi yo’q, Nа tоvushi, nа qo’shig’i, kuyi yo’q. Kаpаlаkning kаmbаg’аli bоyi yo’q, |
Kаpаlаklаr оdаmlаrdаn mеhribоn. Kаpаlаkning Kа`bаsidir hur dаlа, Dаlаsidа mеhr to’lа nur to’lа. Bахtsiz bo’lsа, bаri bахtsiz bir yo’lа, Kаpаlаklаr оdаmlаrdаn mеhribоn. Оydin оqshоm yodgа tushding о mаlаk, Sеni o’ylаb bo’ldi yanа qоn yurаk. Sеvаmаn dеb аldаmаydi kаpаlаk, Kаpаlаklаr оdаmlаrdаn mеhribоn. Muхаmmаdgа ishоngаn ey, mo’minlаr, O’lsаm, so’zim eslаb, o’ygа cho’minglаr. Kаpаlаkning qаnоtigа ko’minglаr, Kаpаlаklаr оdаmlаrdаn mеhribоn…. |
Shavkat Rahmon xotirasiga
| Mendan nima qolar: Ikki misra she ’r, Ikki sandiq kitob, uyum tuproq. Odamlar ortimdan Nima desa der, Men seni o`ylayman O`zimdan ko`proq – Lola, lolajonim, Lolaqizg`aldoq! Men ketsam, yomondan Yiroq bo`l, ohu, Chunki sen chiroyli, Ko`rkli bir juvon. Yomon kunlar bir kun Yaxshi bo`lar-u, Yomon odam yaxshi Bo`lmas hech qachon… Yasha chegarada Turgandek ogoh, Lola, lolajonim, Lolaqizg`aldoq! Uyda yotibman-u, Sezib turipman, Ko`kda kelayotir Qushlar qaytishib. Xayrlar yog`dirib Qanotlaridan, Xasta shoiriga Vido aytishib. Bor, mening uchun ham Ularga qo`l qoq – Lola, lolajonim, Lolaqizg`aldoq! Ularni men yana Ko`rarmanmi-a, Ayvondan odamdek Kuzatolmadim. Kuz. To`ylar boshlandi. Yuragim pora – Bitta qizimni ham Uzatolmadim … Demak, taqdir ekan To`y ko`rmay o`lmoq, Lola, lolajonim, Lolaqizg`aldoq! Biroq, ko`nglim sezar, Mendan keyin ham, Bir kun bu hovliga Odam to`ladi. Hali to`ylar qilib Charchaysan, erkam, Mening qizlarim eng Baxtli bo`ladi! Kelinlar ko`ylagi Ruhimday oppoq – Lola, lolajonim, Lolaqizg`aldoq! |
Gulim, yaqinroq kel, Qara, ne savdo, Bu ajib ishlarni Dil lavhiga yoz: Kimga qasr yetmas, Kimga mol-dunyo, Menga esa havo Yetmaydi, xolos. Tiriklar mudroqda, O`liklar uyg`oq – Lola, lolajonim, Lolaqizg`aldoq!Ko`ksim kuyib borar, Ko`krak yonmoqda, Ayting do`xtirlarga, Yorishsa yorsin! Jism o`z ulfati – Jondan tonmoqda. Bechora jon endi Qayerga borsin. Endi osmon yiroq, Endi yer yumshoq – Lola, lolajonim, Lolaqizg`aldoq! Bunu xayot derlar, Unutma aslo, Bir kun ochilasan, Bir kun so`lasan. Qalbimda-ku, faqat Sen eding tanho, Qabrim ustida ham O`zing bo`lasan. Sen bizning sevgidan Xotira – bayroq, Lola, lolajonim, Lolaqizg`aldoq! Ayol qalbing bilan Suv kech, olov kech, G`am kelsa boshingdan Xushing uchmasin. Xudodan so`radim: Mendan keyin hech, Nomard kimsalarga Ishing tushmasin. Ularning qo`lida Hamisha tuzoq, Lola, lolajonim, Lolaqizg`aldoq! Ishing tushsa, inim Muhammadga bor, Shoirlar ichida Ishonganim shu. Biroz ichishini Aytmasa agar, Ko`ksi tiniq bola, Halol bola u. Faqat sal soddaroq, Faqat sal yoshroq, Lola, lolajonim, Lolaqizg`aldoq! |
Jon so`ngi boshpana Toparkan ongda, U yurak ostida Derdim men bo`lsam. Ajablanma agar Ertaga tongda Seni o`pib, O`shni Quchoqlab o`lsam!.. O`tinchim – tepamda Yig`lama uzoq, Lola, lolajonim, Lolaqizg`aldoq! Kimga mol-dunyo, Menga esa havo Yetmaydi, xolos. Tiriklar mudroqda, O`liklar uyg`oq – Gulim, yaqinroq kel, Qara, ne savdo, Bu ajib ishlarni Dil lavhiga yoz: Kimga qasr yetmas, Lola, lolajonim, Lolaqizg`aldoq! Ko`ksim kuyib borar, Ko`krak yonmoqda, Ayting do`xtirlarga, Yorishsa yorsin! Jism o`z ulfati – Jondan tonmoqda. Bechora jon endi Qayerga borsin. Endi osmon yiroq, Endi yer yumshoq – Lola, lolajonim, Lolaqizg`aldoq! Bunu xayot derlar, Unutma aslo, Bir kun ochilasan, Bir kun so`lasan. Qalbimda-ku, faqat |
| Sevgilim, Sevgilim, Og`riydi dilim. Jonim og`riyverar sizni o`ylasam. Gulday yuzinggizni silar endi kim, Meni eslarmisiz — yo`qmi o`shal dam… Bulutlar ko`k kezar kunda piyoda Ufqqa oftob botar qizil gulxanday. Armonim ekansiz yorug` dunyoda, Sizni o`ylamasdan yasharman qanday? Ko`nglim ayvonida kuz hushtak chalar, Ko`zimdan yosh bo`lib yog`adi yaproq. Do`stlarim — takabbur shoirvachchalar O`zlarin sevishar yoridan ko`proq. Kunlarning kaftida sevgi xanjari, Bag`rimda begunoh bir gul so`ladi. Toychoqqa aylanib goh kechalari, Tuproqqa ag`anab yotgim keladi!.. |
Sevgilim, Sevgilim, Og`riydi dilim. Jonim yomon og`rir sizni o`ylasam. Sunbul sochingizni silar endi kim, Meni eslaysizmi-yo`qmi o`shal dam. Bilmayman, Bilishni istamayman ham, Bilganim — menga baxt nasib etmadi. Yillar o`taverdi, ko`zim o`ngidan, Sizning oydek ruxsoringiz ketmadi… Dunyo omon bo`lsin, Siz bo`ling omon, Omadli bo`ling siz. Baxtli bo`ling siz. Lekin, Bilib qo`ying, bilib qo`ying hamon Sizni unutolmas Muhammadingiz! |
| Tuzalmaydi dardim mening, O`lsam kerak. Tuproq bilan og`a-ini Bo`lsam kerak. O`lim nima? Bu ham bitta Sayr, Ona. O`g`ling qaro yerga ketdi, Xayr ona … Tuzalmas bu dardim mening, Umidim yo`q. Xira shamdek ko`zlarimda So`nmoqda cho`g`. |
Cho`g nimadir? Cho`g` ham tutab, Kul bo`ladi. Inson bir kun o`z mayliga Qul bo`ladi … Yuragimni tamom qildim, Yig`layverib. Huzurimda ajal turar, Qoshin kerib. Men hayotda o`limga tik Boqib o`sdim … Qani menga atalgan joy, Ketdik, do`stim! |
| Muhabbat, ey go`zal iztirob, Ey ko`hna dard, ey ko`hna tuyg`u. Ko`kragimga qo`lingni tirab, Yuragimni to`kib qo`yding-ku. Qancha ko`zlar menga zor edi, Na g`am, na anduhim bor edi. Qushday yengil ruhim bor edi, Chok-chokidan so`kib qo`yding-ku. Ne qilarding menga tegib sen, Yengilmagan edim — yengib sen, Boshlarimni yerga egib sen. Qomatimni bukib qo`yding-ku. |
Sen men uchun bir xayol eding, Yaxshi bor yo yaxshi qol eding, Jon kerakmi — mana ol endi, Qiynar bo`lsang qiynab to`yding- ku. Bilmam, nima edi maqsading: Menga bir juft guling asrading, Birin otin Kumush atading, Birin ismin Zaynab qo`yding-ku! Muhabbat, ey go`zal iztirob, Ko`chang kezdim sarson, dovdirab, Yuzlarimga yuzlaring tirab, Ko`zlarimni boylab qo`yding-ku!.. |
| Muhabbat, sen chiroyli, Muhabbat, sen go`zalsan. Tag`in bir zum turaylik, Gapirmayman, uyalsang… So`ng ketarmiz. Sezdimki Men orzuga yetmadim. Seni shunday sevdimki Qo`lingdan ham tutmadim. Qo`ling… sening qo`llaring, Muloyimdir ehtimol. |
Ayri tushdi yo`llarim, Sevar yorim, yaxshi qol. Muhabbat, unut meni, Va men ham… unutmayman. Tushlaringda kut meni, Tushlaringga kirgayman… Muhabbat, sen chiroyli, Muhabbat, sen go`zalsan. Kel, ko`rishib turaylik, Salomlashmay, uyalsang. |
| Muhabbatim, qaydasan qalb ardog`im, Jayronko`zim, qirlarda qolgan ohum. Qo`lim tegmay to`kilgan qizg`aldog`im, Endi seni izlab qaydan toparman… Kelar bo`lsang, yo`lingga gul to`shardim, Sen Layliga, men Majnunga o`xshardim, Bu dunyoda hijron yo`q deb yashardim, Endi seni izlab qaydan toparman… |
Tushlarimda yig`larsan goh bag`ri qon, Ohlaringdan dud chiqib osmon- osmon, Menga senu senga men bo`ldik armon, Endi seni izlab qaydan toparman… Muhabbatim, qaydasan, qalb ardog`im, Jayronko`zim, qirlarda qolgan ohum, Qo`lim tegmay to`kilgan qizg`aldog`im, Endi seni izlab qaydan toparman… |
| Uchida lovillab tursa yuragim… Shunga nima deysan, bevafo yorim? Sen Xudo emassan axir, o`ylanma, Jonimning rishtasi qo`lida uning, Ammo Muhammadsiz o`tmaydi kuning, Kel, mayli men o`lmay, sen ham qiynalma — Shunga nima deysan, bevafo yorim?.. O`lsamu unutsang menday yigitni, |
Yog`ar yo`llaringga afsus-anduxim. Oq tulporday minib oppoq bulutni, Uyingning ustidan o`tadi Ruhim… Unga nima deysan, bevafo yorim? O`lsamu unutsang menday yigitni, Qaro tuproq silab yotsa kuragim, Sen o`choq oldida chaqqan gugurtni |
| — Ona, meni nega tug`ding? — Yurting uchun. — Ona, meni nega tug`ding? — Baxting uchun… |
— Ona, meni nega tug`ding? — Zoriqqandan. — Ona, meni nega tug`ding? — Zerikkandan…! |
| Oh, mening ortimdan ovvora onam, Bir parcha yuragi ming pora onam. Bir baloni ko`rib yorug` dunyoda, Toshkanni ko`rmagan bechora onam, Bolang bo`lib bir bor boshlab keldimmi, Endi men ham senga o`g`il bo`ldimmi!.. Garchi bisotingda «bayram» so`zi yo`q, Bilaman, kutasan sandal to`la cho`g`, Menda yurak deganlarin o`zi yo`q: Men sovg`a bermagan qiz yo`q bu oqshom, Senga na gul berdim, na shirin kalom, Endi men ham senga o`g`ilmi, onam?.Deysan: olislarda omon yursang bas, |
Yodingga tushsam goh yo`qlab tursang bas, Bolam, senga hamma qiladi xavas… Axir, mening dardim She’r emas faqat, Men mashhur shoirmas — mashhur beshafqat, Endi men ham senga o`g`ilmanmi, ayt?… Sha`ningga she’r bitdim. U seni topsin, Poyingga tiz cho`kib, qo`lingni o`psin. Undan ham ulug`im borligin ko`rsin, Men uchun ham aziz holingni so`rsin, Sensiz g`arib ko`nglim ko`ngilmi, onam, Endi men ham senga o`g`ilmi, onam!.. |